Իրաքի Սալահեդդին նահանգում մեկնարկել է «Հաշդ Ալ-Շաբի» ուժերի գործողությունը
Իրաքի «Հաշդ Ալ-Շաբի» կազմակերպությունը հայտարարել է, որ այդ խմբավորման ուժերը գործողություններ են սկսել Սալահեդդին նահանգը ԻԼԻՊ-ի ահաբեկիչների ներկայությունից մաքրելու համար:
Ալ-Մալումա կայքի տեղեկաղմամբ, երկուշաբթի օրը տարածած հաղորդագրությամբ, Իրաքի Հաշդ Ալ-Շաաբի կազմակերպությունը հայտարարել է, որ 32-րդ բրիգադի ուժերը անվտանգության այս գործողությունն իրականացնում են Սալահեդդին նահանգի Ալ Զալայա, Ալ-Բաուդուր, Ավինաթ, Ալ-Ջիջի շրջաններում և Տիգրիսի ափամերձ շրջաններում:
Հաղորդագրության համաձայն, այդ գործողության նպատակն է վերացնել թաքֆիրական ուժերին և այդ տարածքներում անվտանգություն հաստատել:
2017 թվականին, երեք տարի շարունակվող մարտերից հետո, Իրաքը հայտարարեց ԻԼԻՊ ահաբեկչական խմբավորման դեմ տարած հաղթանակի մասին, սակայն այդ ահաբեկչական խմբավորման որոշ տարրերը դեռևս ակտիվ են Դիալա, Քիրքուկ, Նինվե, Սալահեդդին, Ալ-Անբար և Բաղդադ նահանգների որոշ շրջաններում:
