Անկարայի վտանգավոր խաղը. Թուրքիան հարձակվել է հյուսիսային Իրաքի վրա
Ուրբաթ օրը լրատվական աղբյուրները հայտնել են Իրաքի Դոհուկ նահանգի Ալ-Ամադիե շրջանի վրա թուրքական կործանիչների հարձակման մասին:
Հարձակման վանսների և զոհերի մասին մանրամասներ չեն հրապարակվել։
Չորեքշաբթի օրը նույնպես, Դոհուկ նահանգում զբոսաշրջային կենտրոնի վրա Թուրքիայի բանակի իրականացրած հրետանային հարձակման հետևանքով զոհվել էր առնվազն 9 խաղաղ բնակիչ, ևս 31-ը վիրավորվել էր։
Դատապարտելով հարձակումն Իրաքի վարչապետ Մուստաֆա Ալ-Քազեմին հայտարարել է, որ Բաղդադն իրեն իրավունք է վերապահում պատասխանել թուրքական ագրեսիային։
Իրաքի նախագահի գրասենյակը, դատապարտելով Հյուսիսային Իրաքում թուրքական ագրեսիան, հայտարարել է, որ դա Բաղդադի ինքնիշխանության և միջազգային օրենքների ու կանոնակարգերի ակնհայտ խախտում է և հակասում է բարիդրացիական հարաբերությունների սկզբունքներին։ .