Իրաքում տարաձայնությունները լուծելու համար իշխանությունները կարևորում են երկխոսության անհրաժեշտությունը

Քաղաքական իրավիճակնը Իրաքում օրեցօր ավելի է բարդանում, քանի որ Խորհրդարանական ընտրությունների արդյունքների հրապարակումից, ինչպես նաև Սադր շարժման քաղաքական գործընթացներից դուրս գալուց շուրջ ութ ամիս անց երկրի քաղաքական ուժերը չեն կարողանում համաձայնության գալ նոր կառավարության ձևավորման և նախագահի ու վարչապետի ընտրության շուրջ:

Կիրակի օրը, Իրաքի Բարձրագույն դատական ​​խորհրդի տեղեկատվական բազան իր զեկույցում հայտնել է, որ Իրաքի վարչապետ Մոսթաֆա ալ Քազեմին հանդիպել է այդ երկրի Բարձրագույն դատական ​​խորհրդի ղեկավար Ֆաեղ Զիդանի հետ։

Այս հանդիպմանը երկու կողմերը վերանայել են Իրաքի կառավարության գործողությունները, պաշտպանելու Իրաքի Բարձրագույն դատական ​​խորհրդի շենքը և բոլոր քաղաքական հոսանքներին կոչ են արել իրենց տարաձայնությունները  լուծել երկխոսության միջոցով և հարգել օրենքը։

Շաբաթ օրը Սադր շարժման կողմնակիցները չորս օրվա ընթացքում երկրորդ անգամ մտել են Բաղդադի կենտրոնում գտնվող Կանաչ գոտի և նստադուլ են արել խորհրդարանում։

Այս ակցիան արժանացել է իրաքյան կուսակցությունների, կոալիցիաների և իշխանությունների արձագանքին, և նրանք լարվածության աճից խուսափելու և քաղաքական տարաձայնությունները լուծելու համար ընդգծել են երկխոսության անհրաժեշտությունը։

Հայերեն ռադիոալիքին հետևեք սոցցանցերում

https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio