Երուսաղեմում հրաձգության ժամանակ վիրավորվել է 7 սիոնիստ զինվոր
ԶԼՄ-ները հաղորդում են, որ Երուսաղեմում հրաձգության ժամանակ վիրավորվել է 7 սիոնիստ զինվոր:
Պաղեստինյան «Շահաբ» լրատվական գործակալությունը հայտնել է, որ Դիմադրության խմբերի մարտիկները բռնագրավված Երուսաղեմում կրակել են սիոնիստ զինվորների վրա։
Սիոնիստական ռեժիմի արտակարգ իրավիճակների վարչությունը հայտարարել է, որ այս հրաձգության առնվազն յոթ սիոնիստ է վիրավորվել, որոնցից երեքի վիճակը ծանր է։
Սիոնիստական ռեժիմի հեռուստատեսային յոթերորդ ալիքը, վկայակոչելով ոստիկանությանը, հայտնել է, որ օկուպացված Երուսաղեմում՝ Ալ-Բարաք պարսպի մոտ, պաղեստինցիները միաժամանակ երկու հրաձգություն են իրականացրել:
Ըստ հաղորդումների՝ հրաձգությունների հեղինակներին հաջողվել է փախնել դեպքի վայրից, իսկ ոստիկանությունը, բարձրացրել է զգոնության մակարդակը և փորձում է ուժեղացնել անվտանգության ուժերը։
Al Jazeera Qatar-ը հաղորդել է, որ հրաձգությունից հետո ոստիկանությունը թույլ չի տվել ավանաբնակներին լքել Երուսաղեմի ալ-Բարաք պարիսպը, վախենալով, որ նրանք կհայտնվեն պաղեստինցի մարտիկների թիրախում:
Al-Mayadeen ցանցը նաև հայտնել է, որ մոտ 40 իսրայելական ռազմական մեքենաներ հարձակվել են գրավյալ Երուսաղեմի արևելքում գտնվող Սելվան թաղամասի և Ջենին ճամբարի վրա՝ փորձելով գտնել այս գործողության հեղինակներին։