Բաղդադում զինված հարձակման հետևանքով զոհվել է ԱՄՆ քաղաքացի

Իրաքյան որոշ լրատվամիջոցներ հաղորդում են, որ Բաղդադում իր մեքենայի վրա զինված հարձակման հետևանքով սպանվել է ԱՄՆ քաղաքացի:

ԻՌՆԱ-ի հաղորդմամբ՝ Al-Maloumah լրատվական կայքը և Saberin News հեռուստաալիքը հաղորդել են, որ Բաղդադի  Ալ-Կարադե  շրջանում ամերիկացու մեքենայի վրա անհայտ անձանց կողմից իրականացված զինված հարձակման հետևանքով, վերջինս զոհվել է:

«Բաղդադ Ալ-Յում» լրատվական կայքը, վկայակոչելով Կանադայի  զինված ուժերին, հաղորդել է, որ Բաղդադում «անհայտ հանգամանքներում» զոհվել է կանադացի սպա։

Դեպքերի վերաբերյալ այլ մանրամասներ չեն հրապարակվել: