Իսրայելը նախազգուշացրել է, որ 2024-ին Գազայում պատերազմը կշարունակվի
Հունվար 02, 2024 07:56 Asia/Tehran
Իսրայելը նախազգուշացրել է, որ պատերազմը Գազայում կշարունակվի 2024 թվականին: Իսրայելի պաշտպանության բանակի խոսնակ Դանիել Հագարին ամանորյա ուղերձում ասել է, որ իսրայելական զորքերը պատրաստվում են շարունակել մարտերը 2024 թվականին:
«Իսրայելական բանակը պետք է նախօրոք պլանավորի գործողությունները` հասկանալով, որ կլինեն լրացուցիչ առաքելություններ, և մարտերը կշարունակվեն տարվա մնացած ժամանակահատվածում», - ասել է Իսրայելի պաշտպանության բանակի խոսնակը։
Հայտարարությունը հնչել է այն բանից հետո, երբ պաղեստինյան ՀԱՄԱՍ շարժումը հրթիռներ է արձակել Իսրայելի վրա Նոր տարվա գիշերը՝ ուղիղ կեսգիշերին: Օդային տագնապի ազդանշանները հնչել են ամբողջ Իսրայելում: