Սիոնիստների ռազմական հարձակումը Արևմտյան ափի վրա
Սիոնիստական ուժերը հարձակվել են Հորդանան գետի արեւմտյան ափի հյուսիսում գտնվող տարածքների,այդ թվում՝ Ջենին եւ Նաբլուս քաղաքների վրա, և ընդհարվել են պաղեստինցիների հետ։
Սիոնիստական աղբյուրների փոխանցմամբ՝ Հորդանան գետի արևմտյան ափին գտնվող Ջենին քաղաքի «Ալ-Ջաբերիյաթ» շրջանում Սիոնիստական ռեժիմի զինվորների և պաղեստինցի մարտիկների միջև բախման հետևանքով վիրավորվել են Իսրայելի Մագելանի ստորաբաժանման 4 զինծառայող, որոնցից երկուսի վիճակը ծանր է։
Պաղեստինյան Դիմադրության ուժերը Ջենինում սիոնիստ զինվորների ճանապարհին պայթեցրել են ուժեղ ինքնաշեն պայթուցիկ սարքեր, ինչի հետևանքով նրանցից մի քանիսը սպանվել կամ վիրավորվել են:
Սիոնիստական ռեժիմի անօդաչու թռչող սարքը Ջենին քաղաքի հարավային մուտքի մոտ թիրախ է դարձրել 6 երիտասարդ պաղեստինցիների և սպանել նրանց։
Ալ-Մաաջին թաղամասում Սիոնիստական ուժերը հարձակվել են նաև Նաբլուս քաղաքի վրա և բախվել պաղեստինցիների հետ , իսկ պաղեստինյան Դիմադրության ուժերը դիմակայել են նրանց։
Պաղեստինյան լրատվամիջոցների հաղորդմամբ՝ սիոնիստ զինվորները հարձակվել են նաև Քալքիլիա քաղաքի վրա և բախվել են այս շրջանի բնակիչների հետ։
Պաղեստինյան «Սամա» լրատվական գործակալությունը հաղորդել է, որ Գազայի հատվածի հարավում Սիոնիստական ռեժիմի հարձակումների հետևանքով նահատակվել է 28 պաղեստինցի։
Սիոնիստական ռեժիմի կործանիչների կողմից Գազայի հարավային Խան Յունիս քաղաքի արևմտյան հատվածում գտնվող բնակելի տան վրա իրականացված հարձակման հետևանքով նահատակվել է 17 մարդ, այդ թվում 12 երեխա։
Այս հաղորդման համաձայն՝ 11 պաղեստինցի նահատակվել է Դեյր ալ-Բալահ քաղաքի և պաղեստինցի փախստականների համար նախատեսված դպրոցի ռմբակոծության հետևանքով։
2023 թվականի հոկտեմբերի 7-ից Սիոնիստական ռեժիմը օդից, ցամաքից և ծովից թիրախավորում է Գազայի հատվածը։
Գազայի հատվածում Պաղեստինի առողջապահության նախարարության հայտարարության համաձայն՝ այս հատվածում վերջին ագրեսիայի զոհերի թիվը հասել է 22 հազար 600-ի , իսկ վիրավորներինը 57 հազար 910-ի։