Թել Ավիվում զանգվածային ցույցեր են ընթանում Իսրայելի ռեժիմի կաբինետի դեմ
Սիոնիստ ավանաբնակները ցույցեր են անցկացրել Թել Ավիվում և պահանջել են վարչապետի հրաժարականը և Իսրայելի կաբինետի լուծարումը։
«Ալ-Մայադին» լրատվական կայքի փոխանցմամբ՝ իսրայելցի ցուցարարները պահանջել են ճնշում գործադրել Իսրայելի վարչապետ Բենիամին Նեթանյահուի կաբինետի վրա՝ պատերազմը դադարեցնելու և Պաղեստինի Իսլամական Դիմադրության շարժման (ՀԱՄԱՍ) հետ անմիջապես գերիների փոխանակման պայմանագիր ստորագրելու համար։
Ավելի վաղ մի շարք սիոնիստ կանայք փակել էին կառավարության կաբինետի շենքի մոտ գտնվող փողոցը, որպեսզի ճնշում գործադրեն իսրայելական ռեժիմի ղեկավարների վրա՝ պաղեստինյան Դիմադրության հետ գերիների փոխանակման մասին համաձայնագիր ստորագրելու համար:
Այն իրավիճակում, երբ Նեթանյահուի պատերազմի կաբինետը գտնվում է ներքին և արտաքին ճնշման տակ Գազայի հատվածում ցեղասպանության պատճառով, Սիոնիստական գերիներին ազատ արձակելու ձախողման պատճառով Սիոնիստական ներկայիս ռեժիմի կաբինետին ուղղված քննադատություններն ավելացել են, և այս օրերին գրավյալ տարածքներում ընթանում են հակակառավարական ցույցեր։
Այս կապակցությամբ Իսրայելի պատերազմի նախկին նախարար Մոշե Յաալոնը քննադատել է ռեժիմի կաբինետին պատերազմը շարունակելու և հրադադարի բանակցություններից հրաժարվելու մտադրության և սիոնիստ գերիների ազատ արձակմանը առաջնահերթություն չտալու համար։
Արդեն 111 օր է, ինչ Սիոնիստական ռեժիմը պատերզմում է Գազայի ժողովրդի դեմ, այս ռեժիմը շարունակում է սպանել Գազայի անպաշտպան ժողովրդին, և դատապարտվել է աշխարհի երկրների կողմից:
Այս պատերազմում պաղեստինցի նահատակների թիվը հասել է մոտ 26 հազարի, իսկ վիրավորներինը՝ ավելի քան 62 հազարի։
