Ինչո՞ւ է Իսրայելը սուտ տարածում դիմադրության հրամանատարների սպանության մասին։
Parstoday- Պատերազմում պարտությունից խուսափելու համար Թել Ավիվի իշխանությունները դիմել են իսլամական դիմադրության հրամանատարների սպանության մասին կեղծ լուրեր տարածելուն:
Արաբական աշխարհի վերլուծաբան Աբդուլ Բարի Աթվանը «Rai Al-Youm» թերթում իր հոդվածում, անդրադառնալով դիմադրության հրամանատարների, այդ թվում՝ Գազայի հատվածում ՀԱՄԱՍ շարժման ռազմական թևը հանդիսացող Էզեդին ալ-Քասամ բրիգադների ավագ հրամանատար Մոհամմադ ալ-Դեյֆի զոհվելու վերաբերյալ իսրայելական ռեժիմի լրատվամիջոցների ստերին, գրել է. «Իսրայելական լրատվամիջոցների այս սուտը ոչ այլ ինչ է, քան զառանցանք, և բխում է նրանց սնանկությունից և անելանելի վիճակից»: Ըստ ParsToday-ի, Աթվանն ընդգծել է, որ Գազայի հատվածի դիմադրության հրամանատարները, ովքեր նախագծել և իրականացրել են Ալ-Աքսա փոթորկի գործողությունը, իսկ մինչ այդ իրականացրել են «Սուրբ սրի» մարտը՝ Ալ-Աքսա մզկիթին օժանդակելու համար, Իսրայելի ռեժիմի վարչապետ Բենիամին Նեթանյահուի և նրան շրջապատող ծայրահեղական հանցախմբի համար սարսափելի մղձավանջ են, և այդ պատճառով Գազայի հատվածի դեմ պատերազմի 9 ամիսների ընթացքում նրանք փորձել են ամեն միջոց՝ ահաբեկչություն իրականացնելու և այն որպես ձեռքբերում ներկայացնելու սեփական սարսափահար հանրային կարծիքին:
Նա հավելել է. «Իսրայելական ռեժիմի բանակը ցնցված է Գազայի հատվածում դիմադրության խմբերի տոկունության պատճառով, և դրա համար գիշեր-ցերեկ երազում է հասնել Գազայի հատվածում ՀԱՄԱՍ շարժման ղեկավար Յահյա ալ-Սանվարին, Մուհամեդ Ալ-Դեյֆին, Մարվան Իսային, Ռաֆե Սալամեհին և դիմադրության այլ հրամանատարներին, և սպանել նրանց, բայց մինչ այժմ դա ոչ մի արդյունք չի ունեցել»։
Վերջում այս վերլուծաբանը գրել է. «Նա, ով պարտվում է դաշտում, դիմում է ահաբեկչության։ Հորդանան գետի արեւմտյան ափում, Գազայի հատվածում և Լիբանան Հարավում իսրայելական բանակի հաղթանակը չի ստացվի ստով, խաբեությամբ, ցեղասպանությամբ և զոհված երեխաների թվի ավելացմամբ»:
Բանալի բառեր՝ պատերազմը Գազայում, Իսրայելի պատերազմը, Իսրայելական ռեժիմ, դիմադրության ուժ