Գազան կանգնած է համաճարակի եզրին

Պաղեստինի առողջապահության նախարարությունը Գազայի հատվածում զգուշացրել է, որ աղբի կուտակման, ջրի աղտոտվածության և դեղորայքի բացակայության պատճառով այս տարածքը համաճարակի աղետի եզրին է կանգնած։

Իրանի ուսանողական լրատվական գործակալության (ISNA) հաղորդման համաձայն, Պաղեստինի առողջապահության նախարարությունը Գազայի հատվածում հայտարարել է, որ 2023 թվականի հոկտեմբերի 7-ին Գազայի պատերազմի սկզբից այս տարածքում գրանցվել է հեպատիտի 100 հազար դեպք։
Պաղեստինի առողջապահության նախարարության հայտարարության համաձայն՝ 2023 թվականի հոկտեմբերի 7-ին «Ալ-Աքսա փոթորիկ» գործողության մեկնարկից և Գազայի հատված Իսրայելի ​​ռեժիմի ներխուժման սկզբից ի վեր այս տարածքում 39583 պաղեստինցի է նահատակվել, 91398 մարդ վիրավորվել է:
Համատարած ավերածությունների և սովի հետևանքով հարյուրավոր երեխաներ են մահացել և ավելի քան 10,000 պաղեստինցիներ անհետ կորել են։
Գազայի հատվածի դեմ Իսրայելի ​​ռեժիմի ագրեսիայի սկզբից անցել է ավելի քան 300 օր՝ առանց որևէ արդյունքի և ձեռքբերումների, և այս ռեժիմն օրեցօր ավելի է սուզվում իր ներքին և արտաքին ճգնաժամերի մեջ։
Այս ընթացքում Իսրայելի ​​ռեժիմը տարածաշրջանում ջարդերից, ավերածություններից, պատերազմական հանցագործություններից, միջազգային օրենքների խախտումներից, օգնություն տրամադրող կազմակերպությունների ռմբակոծումից և սով պարտադրելուց բացի այլ ձեռքբերում չի ունեցել։