ՀԱՄԱՍ-ն ընդունել է Գազայում 7-օրյա հրադադարի ՄԱԿ-ի առաջարկը
ՀԱՄԱՍ-ի խոսնակը հայտարարել է, որ շարժումն ընդունել է Գազայում 7-օրյա հրադադար հաստատելու ՄԱԿ-ի գլխավոր քարտուղարի առաջարկը։
«Թասնիմ» գործակալության փոխանցմամբ՝ ՀԱՄԱՍ-ի խոսնակն ասել է․ «Մենք խնդրում ենք բոլոր կազմակերպություններին կատարել Գազայի ժողովրդի նկատմամբ իրենց մարդասիրական պարտքը։ Օկուպանտ ռեժիմը նույնպես պետք է ընդունի հրադադարի հաստատման առաջարկը»։
Միևնույն ժամանակ, սիոնիստական լրատվամիջոցը հաղորդել է, որ անցած ամիս Գազայում և հյուսիսային ճակատում զոհվել է 15 սիոնիստ զինվոր, իսկ օգոստոս ամիսն իսրայելական բանակի համար ամենաարյունալի ամիսն է եղել վերջին 11 ամիսների ընթացքում։
«Թասնիմը» հայտնում է, որ օգոստոսին սիոնիստական բանակի զոհերի թիվը պատերազմի տարբեր ճակատներում, ներառյալ՝ Գազայում և հյուսիսային ճակատում, աճել է։
«Մաարիվ» թերթը նույնպես գրել է, որ օգոստոսին Գազայի հատվածի և Լիբանանի սահմանի ճակատներում սպանվել է 15 զինվոր։
Թերթը գրել է․ «Օգոստոսն իսրայելական բանակի համար ամենաարյունալի ամիսն էր Գազայի և հյուսիսային ճակատներում պատերազմի սկզբից ի վեր»: