Իսրայելը բախվել է համապատասխան հրթիռների պակասի խնդրի

«ParsToday»- Անգլիական թերթերից մեկը մի հոդվածում անդրադարձել է Իսրայելի հակաօդային պաշտպանության հրթիռների պակասի խնդրին։

«Financial Times-ը, մեջբերելով արդյունաբերական ոլորտի ղեկավարների, նախկին ռազմական պաշտոնյաների և վերլուծաբանների խոսքերը, գրել է, որ Իսրայելի ռեժիմը բախվել է որսիչ հրթիռների պակասի խնդրի, քանի որ փորձում է ուժեղացնել իր հակաօդային պաշտպանությունը հարձակումներին դիմակայելու համար: Ըստ ParsToday-ի՝ այս թերթը հավելել է, որ Ամերիկան ​​փորձում է օգնել՝ Իսրայելի պաշտպանիչ վահանի բացը նվազեցնելու հարցում։

Ուստի կիրակի օրը «Financial Times»-ը հայտնեց Իսրայելի կողմից օկուպացված տարածքներում THAAD հակահրթիռային համակարգի տեղակայման մասին։

Այս թերթը խոստովանել է, որ Սիոնիստական ​​ռեժիմը չնչին հաջողություն է ունեցել հոկտեմբերի 1-ին Իրանի կողմից արձակված 180 բալիստիկ հրթիռները որսալու հարցում՝ այդ ռեժիմի հենակետերի դեմ Իսլամական Հանրապետության հրթիռային գործողության ընթացքում։

Վկայակոչելով վերլուծաբանների հայտարարությունները՝ այս լրատվամիջոցը նշում է, որ այս գործողության ընթացքում Նևաթիմ ավիաբազային հարվածել է գրեթե 36 հրթիռ, ևս մեկ հրթիռ պայթել է Մոսադի կենտրոնակայանից 700 մետր հեռավորության վրա։

Միաժամանակ «Financial Times»-ը, մեջբերելով ԱՄՆ-ի պաշտպանության նախկին պաշտոնյա Դանա Սթրոլի խոսքերը, գրել է. «Իսրայելական զինամթերքի հարցը շատ լուրջ է: Եթե ​​Իրանը պատասխանի Իսրայելի հարձակումներին, և Հեզբոլլահն էլ միանա դրան, ապա Իսրայելի հակաօդային պաշտպանությունը կհայտնվի ճնշման տակ»:

Նա հավելել է․ «Ամերիկայի զինամթերքի պաշարներն անսահմանափակ չեն, և այն չի կարող միաժամանակ շարունակել զենք մատակարարել և՛ Ուկրաինային և՛ Իսրայելին։ Մենք հասել ենք կրիտիկական կետի»։