Եթե ցանկանում եք ծանոթանալ Սիրիայի աշխարհագրությանը, կարդացեք այս հոդվածը

Pars Today- Սիրիան գտնվում է Արևմտյան Ասիայի տարածաշրջանում։ Արևմուտքում սահմանակից է Միջերկրական ծովին, հյուսիսում՝ Թուրքիային, արևելքում և հարավ-արևելքում՝ Իրաքին, հարավում՝ Հորդանանին, իսկ հարավ-արևմուտքում՝ օկուպացված Պաղեստինին և Լիբանանին:

Սիրիան ունի 14 նահանգ։ Պետական կազմակերպությունների հրապարակած քարտեզների համաձայն, բացի 14 նահանգից, Սիրիան ունի ևս մեկ նահանգ՝ Խաթայը, որն այժմ գտնվում է Թուրքիայի կազմում։ Գոլանի բարձունքները, որոնք միջազգային իրավունքի համաձայն Սիրիայի մաս են կազմում, օկուպացվծ են Սիոնիստական ռեժիմի կողմից։ 

Այս հոդվածում կխոսենք Սիրիայի նահանգների մասին։ 

Որտե՞ղ է Դամասկոսը 

Դամասկոս նահանգը հենց նույնանուն քաղաքն է, որը գտնվում է Սիրիայի հարավ-արևմուտքում և հանդիսանում է այս երկրի մայրաքաղաքը։ 1987 թվականին  Դամասկոս քաղաքը ճանաչվեց որպես անկախ նահանգ։ Դրսանից հետո Դամասկոս քաղաքի շրջակա տարածքները գտնվում են Ռիֆ Դամասկոս նահանգի իրավասության ներքո։

Դամասկոսը Սիրիայի ամենափոքր նահանգն է և իր փոքր տարածքի պատճառով ունի բնակչության համեմատաբար բարձր խտություն։ 2019 թվականի մարդահամարի տվյալներով Դամասկոսի բնակչությունը կազմել է 2 միլիոն 79 հազար մարդ։
Դամասկոսի միջազգային օդանավակայանը գտնվում է քաղաքից 21 կմ դեպի հարավ։ 
 

Ո՞րն է Դամասկոսի և Ռիֆ Դամասկոսի միջևտարբերությունը:

Ռիֆ Դամասկոս նահանգը ներառում է Դամասկոսի բոլոր արվարձանները, առանց համանուն քաղաքի։ 

Հազրաթ Զեյնաբի դամբարանը

Իսլամի մարգարեի թոռնուհու՝ հազրաթ Զեյնաբի դամբարանը նույնպես գտնվում է  Ռիֆ Դամասկոսում։ 

Որտե՞ղ է գտնվում Իդլիբ նահանգը 

Իդլիբ նահանգը, որի կենտրոնը համանուն քաղաքն է, գտնվում է Սիրիայի հյուսիս-արևմուտքում,  Թուրքիայի հետ սահմանի հյուսիսային հատվածում։

Որտե՞ղ է գտնվում Հալեպ նահանգը

Հալեպ նահանգը, որի կենտրոնն է համանուն քաղաքը, գտնվում է Սիրիայի հյուսիսում, մայրաքաղաք Դամասկոսից 355 կմ հյուսիս և համարվում է այս երկրի առևտրային և մշակութային մայրաքաղաքը։ Հալեպ քաղաքը գտնվում է ռազմավարական և կարևոր առևտրային կետում՝ Միջերկրական ծովի և Եփրատ գետի միջև։ 

Քաղաքի արևելյան հատվածում տեղակայված Ռազմական ինժեներական ակադեմիան սիրիական բանակի կարևորագույն ռազմական օբյեկտներից մեկն է։ Այստեղ կան ապաստարաններ, երկաթբետոնե բունկերներով շենքեր, որոնք նախագծված և կառուցված են Սիոնիստական ռազմաօդային ուժերի հնարավոր հարձակմանը դիմակայելու համար։  

Որտե՞ղ է գտնվում Համա նահանգն ու ինչո՞ւ է այն կարևոր 

Համա կամ Համաթ նահանգը սկսվում է Սիրիայի կենտրոնից և շարունակվում է դեպի  արևմուտք։ Կենտրոնը համանուն քաղաքն է։

Համա նահանգը գտնվում է Սիրիայի հյուսիս-հարավ և արևելք-արևմուտք հիմնական ճանապարհների հատման կետում, ինչի շնորհիվ ունի ռազմական և տնտեսական կարևոր նշանակություն։

Որտե՞ղ է գտնվում Հոմսը

Հոմս  նահանգը, համանուն կենտրոնով,  գտնվում է Սիրիայի կենտրոնում և երկրի ամենամեծ նահանգն է։

Որտե՞ղ է գտնվում Դեյր էլ-Զորը

Դեյր էլ-Զոր նահանգը գտնվում է Սիրիայի արևելքում և բաղկացած է երեք քաղաքներից՝ Դեյր էլ-Զոր, Մայադին և Ալ-Բուքամալ։

Որտե՞ղ է գտնվում Ռաքքա նահանգը

Ռաքքա նահանգը, որի կենտրոնը համանուն քաղաքն է, գտնվում է Սիրիայի հյուսիսում։ 2011 թվականին ԻԼԻՊ-ը հարձակվեց Սիրիայի վրա, իսկ 2014-ից 2017 թվականներին Ռաքքան հայտարարեց իր մայրաքաղաքը:

Որտե՞ղ է գտնվում Հասաքա նահանգը

Հասաքա նահանգը գտնվում է Սիրիայի հյուսիս-արևելքում, իսկ Հասաքա քաղաքն այս նահանգի կենտրոնն է։ Տիգրիս գետը Թուրքիայից մտնում է Հասաքա նահանգ և այնտեղից հոսում դեպի Իրաք։

2011-2017թթթ երբ ԻԼԻՊ-ը հարձակվել էր Սիրիայի վրա, այս նահանգն ամբողջությամբ գտնվում էր Սիրիայի քրդական Դեմոկրատական ուժերի (SDF) վերահսկողության տակ, որոնց աջակցում էր ԱՄՆ-ն։

 
Որտե՞ղ է գտնվում  Դարաա նահանգը

Դարաա նահանգը գտնվում է Սիրիայի հարավ-արևմուտքում և հարավից սահմանակից է Հորդանանին։

Որտե՞ղ է գտնվում Լաթաքիա նահանգը

Լաթաքիա նահանգը գտնվում է Սիրիայի արևմուտքում։ Կենտրոնը համանուն քաղաքն է։ Այս նահանգը գտնվում է Միջերկրական ծովի ափին և հյուսիսից ընդհանուր սահման ունի Թուրքիայի հետ։

Որտե՞ղ է գտնվում Կունեյտրա նահանգը

Կունեյտրան գտնվում է Սիրիայի հարավ-արևմուտքում և Գոլանի բարձունքներում։ Նահանգի մոտ 80%-ն օկուպացված է Սիոնիստական ռեժիմի կողմից։ Իսկ մնացած 20%-ը, գտնվում է սիրիական կառավարության վերահսկողության տակ։ Այստեղ է գտնվում նաև Կունեյտրա քաղաքը։ 
 Միջազգային իրավունքի համաձայն՝ Գոլանի բարձունքները Սիրիայի մաս են կազմում։

Ո՞րն է Սիրիայի ամենահարավայի կետը 

Սուվեյդա նահանգը, համանուն կենտրոնով, գտնվում է Սիրիայի ամենահարավային կետում։ 
Այն միակ նահանգն է, որտեղ մեծամասնություն են կազմում դրուզ էթնիկ խմբի ներկայացուցիչները։ 

 
Որտե՞ղ է գտնվում Տարտուս նահանգը 

Տարտուսը գտնվում է Սիրիայի հարավ-արևմուտքում, Միջերկրական ծովի մոտ։