Amnesty International. Լոնդոնը պետք է վերջ տա Գազայի ցեղասպանությունը ժխտելուն
Amnesty International-ի գլխավոր քարտուղարը պաշտոնական Լոնդոնին կոչ է արել ընդունել, որ Իսրայելը Գազայում ցեղասպանություն է իրականացնում և դադարեցնել այն:
Կազմակերպությունը հինգշաբթի օչրը հայտարարել է, որ Սիոնիստական ռեժիմը շարունակում է Գազայում ցեղասպանություն իրականացնել։
Զեկույցը հրապարակվել է 2023 թվականի հոկտեմբերի 7-ից մինչև 2024 թվականի հուլիսի սկիզբն իրականացված հետազոտությունների հիման վրա:
Հարկ է նշել, որ Արդարադատության միջազգային դատարանը հետաքննում է Հարավաֆրիկյան Հանրապետության բողոքն ընդդեմ Սիոնիստական ռեժիմի՝ Գազայում ցեղասպանություն իրագործելու մեղադրանքով։
Հղում անելով ԻՍՆԱ-ին, «Սահաբ» գործակալությունը հաղորդում է, որ Amnesty International»-ի զեկույցի հրապարակումից հետո, կազմակերպության գլխավոր քարտուղար Ագնես Քալամարդը Middle East Eye-ի հետ զրույցում բրիտանացի քաղաքական գործիչներից խնդրել է ուսումնասիրել 300 էջանոց զեկույցն ու դրանում ներկայացված ապացույցները և դադարել ժխտել այն փաստը, որ Գազայում տեղի է ունենում ցեղասպանություն։
Նշելով, որ Գազայում ցեղասպանությունն անհերքելի փաստ է, Քալամարդը հավելել է․ «Սիոնիստական բանակին ֆինանսական և ռազմական աջակցության պատճառով, բրիտանական, ամերիկյան և գերմանական կառավարությունները մեղսակից են այս ցեղասպանությանը»։
Արձագանքելով զեկույցին, Բրիտանիայի ԱԳՆ-ն կրկնել է վարչապետ Քիր Սթարմերի վերջին հայտարարությունն այն մասին, որ Գազայում տեղի ունեցող իրադարձությունները չեն կարող որակվել որպես ցեղասպանություն։