Մոսադի նախկին ղեկավար. Նեթանյահուն խիղճ չունի
ԻՌՆԱ-ի հաղորդմամբ՝ Իսրայելի լրտեսական գործակալության՝ «Մոսադ»-ի նախկին ղեկավարը հայտարարել է, որ Բենիամին Նեթանյահուն խիղճ չունի։
Թամիր Բարդոն իսրայելական հեռուստատեսության 12-րդ ալիքին տված հարցազրույցում ասել է. «Նեթանյահուն ակնհայտ և ուղղակի սպառնալիք է Իսրայելի անվտանգության համար»։
Նա հավելել է․ «Նա խիղճ չունի։ Մենք երբեք չենք մոռանա և չենք ների, որ նա հրաժարվել է Իսրայելի անվտանգությունից և պատերազմից առաջ անտեսել անվտանգության նախազգուշացումները: Նա անտեսել է նաև գերիների հարցը, շատ լավ իմանալով, որ պատերազմի շարունակման դեպքում նարնք կզոհվեն»։
ՀԱՄԱՍ-ի քաղաքական բյուրոյի խոսնակ Թահեր ալ-Նունուն ավելի վաղ հայտարարել էր, որ Բենիամին Նեթանյահուն խաղում է մնացած բանտարկյալների կյանքի հետ և նրա միակ նպատակն իր կաբինետը պահպանելն է։ Թահեր ալ-Նունուն հավելել էր․ «Իսրայելի հարձակումները կհանգեցնեն բազմաթիվ իսրայելցի գերիների մահվան»:
Իսրայելական բանակը երեքշաբթի առավոտյան վերսկսել է Գազայի հատվածում ռազմական գործողությունները։ Պաղեստինի ԱՆ տվյալներով՝ հարձակումների հետևանքով կա 413 զոհ և տասնյակ անհետ կորածներ։ Հաղորդվում է, որ զոհերի թիվը կարող է աճել։
Ըստ նախնական տվյալների՝ զոհերի և վիրավորների մեծ մասը երեխաներ և կանայք են։ Հարձակումները ներառել են Գազայի ամբողջ տարածքը, այդ թվում՝ բնակելի տներ, դպրոցներ, փախստականների կենտրոններ և վրաններ: Սպիտակ տունը հայտարարել է, որ Իսրայելի ռեժիմը Գազայի վրա հարձակվելուց առաջ խորհրդակցել է Դոնալդ Թրամփի վարչակազմի հետ։
