Բլեյրի՝ Բեյրութ կատարած այցն Արևմուտքի ճնշման նոր փուլի սկիզբն է՞
Լիբանանյան «Ալ-Ախբար» թերթը գրում է, որ Մեծ Բրիտանիայի նախկին վարչապետ և տարածաշրջանի երկրների և ժողովուրդների դեմ պատերազմներում ԱՄՆ-ի հանցակից Թնի Բլերը հաջորդ շաբաթ պատվիրակության հետ կմեկնի Լիբանան՝ Գազայի հարցի լուծման նպատակով։
Թերթը գրել է. «Առնվազն մեկ միլիոն իրաքցիների մահվան համար պատասխանատու ռազմական հանցագործ Թոնի Բլեերի անունը կրկին բարձրացվել է այն ծրագրի շրջանակներում, որը Միացյալ Նահանգները փորձում է պարտադրել Պաղեստինին՝ «Խաղաղության խորհրդի» քողի տակ»:
Pars Today-ի փոխանցմամբ՝ հոդվածագիրը նշում է, որ Բլերը Միացյալ Նահանգների մշտական գործընկերն է եղել տարածաշրջանի երկրների և ժողովուրդների դեմ կեղտոտ պատերազմներում, հավելելով. «Ստացված տեղեկատվությունը ցույց է տալիս, որ Բլերի հաջորդ այցի նախապատրաստական աշխատանքները մեկնարկել են: Նա գլխավորում է մի պատվիրակություն, որի բնույթը և կազմը դեռևս որոշված չեն: Պատվիրակության կազմում, հավանաբար, կներառվի փորձագետների խումբ, որը կօգնի նրան Գազայի գործում»։
Տեղյակ աղբյուրները թերթին հայտնել են, որ Բլերը կհանդիպի Լիբանանի կառավարության երեք թևերի ղեկավարների հետ, սակայն այցի ամսաթիվը դեռևս որոշված չէ: Հանդիպման նպատակները և Բլեերի հնարավոր ուղերձը նույնպես պարզ չեն: Որոշ շրջանակներ ենթադրել են, որ նրան կարող է հանձնարարվել վերահսկել Լիբանանին պարտադրվող նոր գաղութային ծրագրի իրականացումը՝ Գազայում տեղի ունեցողի նման։
«Ալ-Ախբարն» այցը կապել է Լիբանանի հարավային սահմանին ստեղծված իրավիճակի ապագայի հետ, մասնավորապես՝ «հարավային տարածաշրջանի գործերը կառավարելու համար քաղաքացիական խորհուրդ ստեղծելու» նախագծի հետ: Ամերիկացիները պնդում են, որ ցանկանում են Լիբանանի հարավային շրջանները վերածել զբոսաշրջության, արդյունաբերական ներդրումների և գյուղատնտեսության տնտեսական և տարածաշրջանային գոտու։
Թերթը հավելել է, որ արտահոսած տեղեկատվության համաձայն՝ Իսրայելի կաբինետը ճնշում է գործադրում ԱՄՆ կառավարության վրա՝ հրաժարվելու Լիբանանի կառավարությանը աջակցելու գաղափարից: Թել Ավիվը պարբերաբար պնդում է, որ «Բեյրութի կառավարությունը լուրջ չի վերաբերվում իր պարտավորությունների կատարմանը, ինչպես դա ցույց է տրվել «Հեզբոլլահի» զենքի հարցում»։
Մինչև երեկ տպավորոթյուն էր, որ Իսրայելը որոշել էր սրել լարվածությունը Լիբանանի հետ, և որ իրավիճակը անկայուն է։ Անընդհատ լուրեր էին շրջանառվում «Հեզբոլլահի» կողմից իր հզորությունը վերականգնելու և ռազմական կարողությունները վերականգնելու մասին: Այս հաղորդագրությունները, որոնք կապված էին Բլերի Բեյրութ կատարած սպասվող այցի հետ, ամրապնդել են մտահոգությունները, որ Լիբանանում նախապատրաստվում են «Հեզբոլլահի» և կառավարության դեմ գործողությունների: Իսկ նպատակն էստիպել նրանց նահանջել, հանձնվել և ընդունել Թրամփի ծրագիրը:
«Ալ-Ախբարը» գրել է. «Այս սպառնալիքների ֆոնին Լիբանանի կառավարությունը թվում է անօգնական և փորձում է զսպել ցանկացած հնարավոր սրացում՝ ընդգծելով բանակցություններին իր հանձնառությունը»:
Լիբանանի նախագահ Ջոզեֆ Աունը շարունակում է վերահաստատել այս հանձնառությունը իր հանդիպումներում, չնայած դեռ ոչինչ վերջնականապես չի որոշվել՝ ո՛չ ձևի, ո՛չ էլ շրջանակի առումով: Լիբանանում ընդհանուր բանակցությունների սկզբունքից այն կողմ կոնսենսուս չկա: Միևնույն ժամանակ, տեղյակ աղբյուրները հայտնել են, որ Աունը անուններ է առաջարկել իրեն ներկայացնելու հնարավոր ապագա բանակցային թիմում, այդ թվում՝ Վաշինգտոնում գտնվող Մերձավոր Արևելքի ինստիտուտի նախագահ Փոլ Սալեմին:
