Բռնագրավված պաղեստինյան տարածքներից արտագաղթի ծավալներն աճել են. իսրայելցիները փախչում են

Թել Ավիվի համալսարանի կողմից անցկացված ուսումնասիրության համաձայն՝ օկուպացված պաղեստինյան տարածքներից ներգաղթը զգալիորեն աճել է։ 2023 թվականի հունվարից մինչև 2024 թվականի սեպտեմբերը տարածքը լքել է մոտ 90 հազար իսրայելցի։

Իսրայելի համար մտահոգիչ է այս արտագաղթի ալիքի «որակական փոփոխությունը»։ Ի տարբերություն անցյալի, այս անգամ հեռանում են բարձր եկամուտ ունեցող անձինք, մասնագետներ, մարդկային կապիտալի հիմնական կրողներ, բժիշկներ և ինժեներներ, որոնք տնտեսության ողնաշարն ու ռեժիմի որակավորված աշխատուժն են։

Այս արտագաղթի հետևանքները Իսրայելի համար. 
* Ֆինանսների կորուստ.
Արտագաղթը հանգեցրել է մոտ 1.5 միլիարդ շեկելի (395 միլիոն դոլար) հարկային եկամուտների կորստի։

* Առողջապահական ճգնաժամ. 
481 մասնագետ բժիշկների արտագաղթը կրկնակի ծանրաբեռնվածություն է ստեղծել առողջապահական համակարգի վրա, որն արդեն իսկ բախվում է անձնակազմի պակասի հետ։

* Գիտական ոլորտ.

Իսրայելը կորցրել է 19 հազար համալսարանական շրջանավարտների, 6,600 գիտության և ճարտարագիտության շրջանավարտների, 633 դոկտորի աստիճան ունեցողների և ավելի քան 3 հազար ինժեներների։

* Տարիքային վտանգավոր խառնուրդ. 
Արտագաղթողների  ավելի քան 75 տոկոսը 40 տարեկանից փոքր են, և 40 տարեկանից բարձր փորձառու մարդկանց միգրացիան նույնպես աճում է։

Հետազոտողները զգուշացնում են, որ այս միտման շարունակականության դեպքում Իսրայելի տնտեսությունը կհայտնվի «անկման անդառնալի ցիկլի» մեջ և «արտադրողական և նորարարական կարողությունները կոչնչանան»։