Իրանը խստորեն դատապարտել է սիոնիստական ռեժիմի հարձակումը Բեյրութի արվարձանի վրա
ԻԻՀ ԱԳՆ խոսնակը խստորեն դատապարտել է սիոնիստական ռեժիմի կողմից Բեյրութի հարավային արվարձանների բնակելի թաղամասերի վրա ահաբեկչական հարձակումները, որոնց հետևանքով զոհվել և վիրավորվել են խաղաղ քաղաքացիներ, ինչպես նաև ոչնչացվել են երկրի ենթակառուցվածքները։
Էսմայիլ Բաղային ցավակցություն է հայտնել նահատակների ընտանիքներին և սրտակցություն հայտնել Լիբանանի ժողովրդին ու կառավարությանը։ Ընդգծելով Իրանի Իսլամական Հանրապետության համերաշխությունը Լիբանանի հետ՝ սիոնիստական ռեժիմի ագրեսիայի դեմ, Բաղային առողջություն է մաղթել այս ահաբեկչական հարձակման հետևանքով վիրավորվածներին։
Անդրադառնալով սիոնիստական ռեժիմի կողմից Լիբանանի դեմ ռազմական ագրեսիայի շարունակմանը և ռեժիմի կողմից արգելված զենքի բազմակի օգտագործմանը՝ նա այս իրավիճակը համարել է ԱՄՆ-ի և մի շարք այլ երկրների կողմից սիոնիստական ռեժիմին օրենքը խախտելու և տարածաշրջանի ազգերի դեմ պատերազմական հանցագործություններ կատարելու աջակցության ուղղակի հետևանք և ընդգծել է ՄԱԿ-ի Անվտանգության խորհրդի և բոլոր կառավարությունների պատասխանատվությունը՝ հանցագործներին պատասխանատվության ենթարկելու և պատժելու համար։
