Իրաքի ժողովրդական ուժերը հաջողություններ են արձանագրել
Նոյեմբերի 26-ին, Իրաքի ժողովրդական ուժերը ԻԼԻՊ-ի ահաբեկիչների հսկողությունից ազատագրել են Նեյնավա նահանգի Ալ-Աջբուրի և Ալ-Բինունե քաղաքները և շարունակում են առաջանալ դեպի Ալ-Սալամ գյուղը:
Իրաքի ժողովրդական ուժերը վերահսկողության տակ են առել նաև ԻԼԻՊ ահաբեկչական խմբի միակ անցուղին՝ Թելաֆարից Մոսուլ տանող ճանապարհը: Նրանք ամբողջությամբ շրջապատել են քաղաքը:
Շաբաթ օրը Իրաքի պառլամենտի պատգամավոր Ահմեդ Ալ-Ջաբուրին հայտարարել է, որ վարչապետ Հեյդար Ալ-Էբադին Իրաքի ժողովրդական ուժերին թույլ է տվել արևմտյան ուղղությամբ մտնել Թելաֆար :
Մոսուլի տարբեր շրջաններում ԻԼԻՊ-ը ծանր պարտություններ է կրել և ամեն կողմից ճնշման տակ է գտնվում: Այդ պատճառով խմբավորումը սկսել է կոտորել խաղաղ քաղաքացիներին: Շաբաթ օրը ԻԼԻՊ-ի կողմից Մոսուլ քաղաքում իրաքցի փախստականների վրա իրականացված հարձակման հետևանքով զոհվել է 13 մարդ:
Արձագանքելով «Աշխարհազորային ուժեր» խմբակցության վերաբերյալ օրենքի վավերացմանը, Իրաքի վարչապետը հայտարարել է, որ այդ ուժերի մեջ ընդգրկված են ժողովրդի տարբեր խավերի ներկայացուցիչներ:
