Բրիտանիան դիմել է Իրանի ու Ռուսաստանի օգնությանը
Բրիտանիայի ԱԳ նախարար Բորիս Ջոսոնը երկուշաբթի օրը մի հաղորդագրություն հրապարակելով հայտարարել է, որ Իրանն ու Ռուսաստանը Սիրիայում իրենց ազդեցությունը պիտի ծառայեցնեն Հալեպի արևելքում պատերազմին վերջ տալու և այդ քաղաքի բնակիչներին սատարելու ՄԱԿ-ի նախագծերի իրականացմանը:
ԻՍՆԱ լրատվական գործակալության հաղորդման համաձայն, Բրիտանիայի ԱԳ նախարարն ընդգծել է. « Հալեպի պատերազմի բոլոր կողմերը պարտավոր են խաղաղ բնակիչների հետ վարվել մարդասիրական միջազգային իրավունքների համաձայն»:
Հարկ է նշել, որ Արևմուտքի, այդ թվում` Բրիտանիայի կողմից հովանավորվող զինված ահաբեկիչները ծանր պարտություններ են կրել և կորցրել են Հալեպի արևելյան տարածքների մեկ երրորդը:
Բրիտանիայի ԱԳ նախարարը խոսում է Հալեպում խաղաղ քաղաքացիների իրավունքը հարգելու մասին, այն պայմաններում, երբ այսպես կոչված չափավորական և Բրիտանիայի ու ԱՄՆ-ի հովանավորությունը վայելող զինյալները «Ջեբհաթ-ալ-Նուսրա»-ի համագործակցությամբ ամեն օր ականակոծում են Հալեպի բնակիչներին:
