Սիրիայի Հալեպ քաղաքը լիովին մաքրվել է ահաբեկիչների ներկայությունից
Սիրիայի բանակի և զինված ուժերի գլխավոր հրամանատարությունը հինգշաբթի գիշեր հայտարարել է. «Հալեպը լիովին ահաբեկիչներից մաքրելն ու այդ քաղաքում անվտանգության վերականգնումը ռազմավարական խոշոր հաղթանակ է համարվում»:
ԻՌՆԱ-ի հաղորդման համաձայն, Սիրիայի բանակը հայտարարել է, որ այս հաղթանակը շրջադարձային նշանակություն ունի ահաբեկչության դեմ պայքարում և ահաբեկիչներին ու նրանց հովանավորներին հասցված ջախջախիչ հարված է համարվում:
«Սա մեծ հաղթանակ էր ահաբեկչության դեմ պայքարում, ինչպես նաև Սիրիայի ամբողջ տարածքում անվտանգության ու կայունության վերականգման հարցում»,-հայտարարել է Սիրիայի բանակի գլխավոր հրամանատարությունը:
Հաղորդագրության մեջ նշված է, որ այս հաղթանակը հնարավոր է եղել բանակի ու նրա դաշնակիցների շնորհիվ և համարվում է Սիրիայի տարածքում ահաբեկչության դեմ արդյունավետ պայքարի սկիզբը:
Սիրիայի բանակի գլխավոր հրամանատարությունը կրկին անգամ զինված անձանց կոչ է արել վայր դնել զենքերը, քանի որ մինչև վերջին թիզ հողի ազատագրումն ահաբեկչության դեմ պայքարը շարունակվելու է:
