Հալեպի դպրոցներից մեկում մահապատժի ենթարկված մարդկանց դիեր են հայտնաբերվել

Սիրիական բանակը Հալեպի Աս-Սուկարի թաղամասի դպրոցներից մեկում հայտնաբերել են ահաբեկիչների կողմից մահապատժի ենթարկված մարդկանց, այդ թվում երեխաների դիեր։

Այս մասին հայտնել է Սիրիայի ռազմական ոստիկանության դատախազ Սամեր Յուսեֆը՝ փոխանցում է Sputnik գործակալությունը։

«Մահացած երեխաների և մեծահասակների մարմիններին առկա են մահապատժի հետքեր, ներառյալ կտրված գլուխներ և հանված աչքեր»,-ասել է նա։

Յուսեֆի խոսքով՝ բոլոր մարմինները կտեղափոխվեն հիվանդանոց՝ ԴՆԹ փորձաքննության համար։

«Նախնական տվյալներով՝ մարդիկ մահապատժի են ենթարկվել 4-5 օր առաջ, ոմանց մարմինների վրա կրակել են մոտ հեռավորությունից, որը չի գերազանցել 1 մետրը»,-հավելել է գործակալության զրուցակիցը։

1in.am