Իսրայելի ընդդիմության առաջնորդը Նեթանյահուին կոչ է արել հրաժարական տալ

Իսրայելի ընդդիմության առաջնորդը՝ «Սիոնիստական ճամբար» բլոկի ղեկավար Իսաակ Հերցոգը երկրի վարչապետ Բենիամին Նեթանյահուին կոչ է արել հրաժարական տալ: Այս մասին նա գրել է Facebook-ում:

Հերցոգը հայտարարել է, որ ԱՄՆ ղեկավարության հետ Նեթանյահուի մշտական հակամարտությունների 8 տարիները հանգեցրին հետևանքին, որը գրանցվեց դեկտեմբերի 23-ի երեկոյան՝ օկուպացված պաղեստինյան տարածքներում բնակարանաշինական գործունեությունն անհապաղ դադարեցնելու Իսրայելին ուղղված պահանջով ՄԱԿ ԱԽ-ի ընդունած բանաձևին:

Ըստ Հերցոգի՝ Նեթանյահուի տապալումները և քաղաքականությունը վտանգավոր են Իսրայելի համար: Նա հայտարարել է, որ «վերջին տարիներին և ամիսերին» նախազգուշացնում էր, որ Նեթանյահուն իր արտաքին քաղաքականությամբ Իսրայելը տանում է «փլուզման»:

«Եթե Նեթանյահուն դեռ գոնե մի քիչ պատասխանատվություն ունի, պետք է գիտակցի, որ ինքն այլևս չի կարող ղեկավարել պետության գործերը»,- գրել է Հերցոգը:

1in.am