Դիմադրությունը՝ Պաղեստինի փրկության միակ ճանապարհ
Իրանի իսլամական խորհրդարանի ազգային անվտանգության և արտաքին քաղաքականության հանձնաժողովի նախագահն ասել է.«Պաղեստինի ինքնավար վարչակազմի և Սիոնիստական ռեժիմի միջև բանակցություններն ապարդյուն են լինելու և Դիմադրությունը Պաղեստինի փրկության միակ ճանապարհն է»:
«ԻՌՆԱ» լրատվական գործակալության հաղորդման համաձայն՝ անդրադառնալով Պաղեստինի ինքնավար վարչակազմի ղեկավար Մահմուդ Աբբասի և Իսրայելի վարչապետ Բենիամին Նեթանյահուի Մոսկվայում կայանալիք հավանական հանդիպմանը, Ալաեդդին Բորուջերդին նշել է, որ Սիոնիստական ռեժիմի հետ հաշտության ճանապարհին միշտ տուժել է Պաղեստինի ինքնավար վարչակազմը:
«Պաղեստինի բոլոր հեղափոխականները եկել են այն եզրակացության, որ փրկության միակ ճանապարհը սիոնիստների դեմ պայքարն է, մինչև այնքան ժամանակ, որ ամբողջապես ազատագրվի Պաղեստինը»․ասել է Ալաեդդին Բորուջերդին:
Նա ընդգծել է, որ պաղեստինցիներն իրենք պետք է տնօրինեն իրենց ճակատագիրը:
Ռուսաստանը հայտարարել է, որ Պաղեստինի ինքնավար վարչակազմի ղեկավար Մահմուդ Աբբասը պատրաստ է Մոսկվայում հանդիպում ունենալ Սիոնիստական ռեժիմի վարչապետ Բենիամին Նեթանյահուի հետ:
