Սիրիայի ընդդիմադիր խմբավորումները չեն մասնակցելու Ղազախստանի բանակցություններին

Սիրիայի կառավարության տասնյակ ընդդիմադիր խմբավորումներ բոյկոտել են Ղազախստանի բանակցությունները:

«Սպուտնիկ» լրատվական գործակալության հաղորդման համաձայն, երկուշաբթի օրը, երկրում հաստատված հրադադարը խախտված համարելով, Սիրիայի կառավարության ընդդիմադիր խմբավորումները հայտարարել են, որ չեն մասնակցելու Ղազախստանում կայանալիք Սիրիայի խաղաղության բանակցություններին:

Շաբաթ երեկոյան, վավերացնելով Սիրիայում հրադադարի հաստատման մասին Ռուսաստանի և Թուրքիայի կողմից առաջարկված բանաձևի նախատեքստը, ՄԱԿ-ի Անվտանգության խորհուրդը իր հովանավորությունն է հայտնել Սիրիայում բախումների դադարեցման, տուժածներին ցուցաբերվող օգնությունն արագացնելու և Աստանայում Սիրիայի թեմայով կայանալիք բանակցությունների կապակցությամբ:

Ուրբաթ օրվանից Սիրիայում հրադադար է հաստատվել: