ՀԱՄԱՍ-ը զգուշացրել է Պաղեստինյան տարածքներում քաղաքատիպ ավանների կառուցման կապակցությամբ
Պաղեստինի իսլամական դիմադրության շարժում՝ ՀԱՄԱՍ-ը հրապարակել է հաղորդագրություն, որում զգուշացրել է Երուսաղեմի հրեականացմանն ուղղված Սիոնիստական ռեժիմի տարածամոլական քաղաքականության և այդ ռեժիմի կողմից Հորդանան գետի արևմտյան ափին սիոնիստական ավաններ կառուցվելու կապակցությամբ:
Բռնազավթված Երուսաղեմում Սիոնիստական ռեժիմի քաղաքապետարանը կիրակի օրը հաստատել է քաղաքի արևելյան հատվածում գտնվող երկու սիոնիստաբնակ ավաններում 560 բնակելի միավորներ կառուցելու մասին որոշումը:
Ինչպես հաղորդում է Իրանի ռադիո-հեռուստատեսության լրատվական ծառայությունը, ՀԱՄԱՍ շարժումն իր հաղորդագրության մեջ հայտարարել է,որ Սիոնիստական ռեժիմի այդ քայլը հակադրվում է միջազգային սկզբունքներին ու նորմերին և դեմ է ՄԱԿ-ի Անվտանգության խորհրդի ընդունած վերջին բանաձևին:
Պաղեստինի ինքնավար վարչակազմի խոսնակ՝ Նաբիլ Աբու Ռեդինեն կիրակի օրը հայտարարել է.«Անվտանգության խորհուրդը պետք է թիվ 2334 բանաձևի շրջանակում քայլեր ձեռնարկի` Պաղեստինի օկուպացված տարածքներում այդ ռեժիմի տարածամոլական քաղաքականությունների կապակցությամբ»:
ՄԱԿ-ի անվտանգության խորհուրդը 2016 թվականի դեկտեմբերի 23-ին ընդունել է թիվ 2334 բանաձևը,որը դատապարտում է պաղեստինյան տարածքներում Սիոնիստական ռեժիմի ավանաշինությունը:
