Իրաքի արևմուտքում ռմբակոծվել է ԻԼԻՊ-ի հրամանատարների ժողովի վայրը
Իրաքի բանակը տեղեկացրել է այդ երկրի արևմտյան Ալ-Անբար նահանգի արևմուտքում, Աբուբաքր Ալ-Բաղդադիի գլխավորությամբ ԻԼԻՊ-ի պարագլուխների նիստը ռմբակոծելու մասին:
Համաձայն «Ֆարս» լրատվական գործակալության հաղորդման՝ Իրաքի բանակի լրատվական բաժինը երկուշաբթի օրը մի հաղորդագրությամբ հայտարարել է, որ տեղեկատվական մանրակրկիտ աշխատանքից և Սիրիայից Իրաք ժամանող Աբուբաքր Ալ-Բաղդադու ու ԻԼԻՊ-ի որոշ հրամանատարների փոխադրող շարասյան հետախուզումից հետո, իրաքցի օդաչուներ Ալ-Անբար նահանգի արևմուտքում գտնվող «Ալ-Ղաեմ»-ի տարածքում ռմբակոծել են ԻԼԻՊ-ի հրամանատարների ու գլխավոր պարագլուխների նիստը:
Իրաքի բանակի լրատվական բաժնի հայտարարության համաձայն՝ այս հարձակման հետևանքով սպանվել են Սիրիայից Իրաք ժամանած 13 գլխավոր հրամանատարներ ու 24 մահապարտներ:
Հաղորդագրությունն Աբուբաքր Ալ-Բաղդադու ճակատագրի մասին մանրամասնություններ չի հաղորդում:
