Էրդողանը սիրիական ավիաբազայի հրթիռակոծումը բավարար ուժեղ չի համարել

Թուրքիայի նախագահ Ռեջեբ Թայիփ Էրդողանը ողջունել և միևնույն ժամանակ բավարար ուժեղ չի համարել նախօրեին ԱՄՆ-ի կողմից սիրիական ավիաբազային հասցրած հրթիռային հարվածները: Այս մասին գրում է «Gazeta.ru»-ն՝ հղում անելով «Reuters»-ին:

«Մենք դրական ենք համարում Ասադի ռեժիմի դեմ արված քայլը: Բավարա՞ր է արդյոք դա: Մենք այդպես չենք համարում: Ժամանակն է եկել սիրիացի անմեղ ժողովրդի պաշտպանության համար միջոցառումն ձեռնարկել»,- ասել է Էրդողանը:

Թուրքիայի նախագահը նաև հույս է հայտնել, որ ավիաբազային հասցրած ԱՄՆ-ի հրթիռային հարվածը Սիրիայում իրադրության զարգացման մեջ Վաշինգտոնի ակտիվ մասնակցության սկիզբը կդառնա:

operativ.am