Սիրիական բանակը ահաբեկիչների դեմ պայքարում հաջողություններ է գրանցել
«Ալ Մանշիա» և «Ալ Քարաք» թաղամասերում Սիրիական բանակի ստորաբաժանումները, հարձակվելով «Ջեբհաթ ալ-Նուսրա» ահաբեկչական խմբավորման և նրանց հարող խմբերի դիրքերի վրա, մեծ վնասներ են պատճառել վերջիններիս:
Այսօր մի զինվորական աղբյուր հայտարարել է,որ սիրիական բանակի ստորաբաժանումներից մեկը բախվել է այն ահաբեկչական խմբավորումների հետ, որոնք հարձակվել էին Սիրիայի հարավային Դարաա տարածքի «Ալ Մանշիա» թաղամասում գտնվող մի դպրոցի և մի քանի անցակետերի վրա: Սիրիայի զինված ուժերը չեզոքացրել են ահաբեկիչների այդ հարձակումը: Բախումների արդյունքում վիրավորվել են մի քանի ահաբեկիչներ և ոչնչացել են նրանց պատկանող մեծ քանակությամբ զինամթերք:
Հիշյալ աղբյուրը հստակեցրել է.«Բանակային ուժերը «Ալ Քարաք» թաղամասի հյուսիսային հատվածում և «Ալ Խանսաա» դպրոցի մերձակա տարածքում հարձակվել են ահաբեկիչների վրա, որի հետևանքով վիրավորվել են մի քանի ահաբեկիչներ և ոչնչացվել են նրանց պատկանող մեծ քանակությամբ զինամթերք:
Սիրիական ուժերը նաև կիրակի օրը «Ալ Մանշիա»թաղամասում սպանել են «Ջեբհաթ ալ-Նուսրա» խմբավորման անդամ 75 ահաբեկիչների, որոնցից մի քանիսը սաուդցի և հորդանանցի են եղել: Նրանց նաև հաջողվել է «Ալ Բահար» և «Հադիղա Ալ Արբաաին» թաղամասերում ոչնչացնել ահաբեկիչների երկու կենտրոնակայանները:
