ԵՄ-ն մտահոգություն է հայտնել պաղեստինցիների կալանավորումը շարունակվելու կապակցությամբ
Գազայի հատված գործուղված ԵՄ-ի պատվիրակությունը շաբաթ օրը մի հաղորդագրությամբ մտահոգություն է հայտնել Սիոնիստական ռեժիմի կողմից պաղեստինցիների կալանավորումը շարունակվելու կապակցությամբ :
ԻՌՆԱ-ի հաղորդման համաձայն, եվրոպական պատվիրակությունը Սիոնիստական ռեժիմից պահանջել է պաղեստինցի գերիների պարագային հարգել միջազգային օրենքներն ու մարդու իրավունքները:
Իրենց տարածամոլական նպատակների իրագործման համար սիոնիստները շարունակ ներխուժում են Հորդանան գետի արևմտյան ափի ու զավթված Երուսաղեմի տարբեր տարածքներ և բերման ենթարկելով պաղեստինցիներին, առանց մեղադրանք առաջադրելու, նրանց պահում են կալանքի տակ:
Եվրոպական պատվիրակության հաղորդագրության մեջ ասված է, որ ԵՄ-ն մտահոգությամբ հետևում է արդեն 20-րդ օրը շարունակվող Սիոնիստական ռեժիմի բանտերում պահվող պաղեստինցի գերիների հացադուլին:
Պաղեստինցի գերիները, ի նշան բողոքի Սիոնիստական ռեժիմի ցեղապաշտական քաղաքականությունների ու քայլերի դեմ, ապրիլի 17-ից սկսած «Ազատություն և արժանապատվություն» կարգախոսով հացադուլ են հայտարարել:
Ներկայումս շուրջ 6500 պաղեստինցիներ գերի են Իսրայելի բանտերում, որոնց մեջ են 62 կանայք ու նաև օրինական տարիքը չլրացրած 300 ուրիշներ:
