Ամերիկացիներին չենք թույլատրի վերահսկել Իրաքի սահմանները
«Բադր» կազմակերպության գլխավոր քարտուղարն ու Իրաքի ժողովրդային հավաքազորի ուժերի ավագ հրամանատարը հայտարարեց. «Ամերկացիներին թույլ չենք տա վերահսկել Սիրիայի հետ մեր երկրի սահմանները և այդ մասին տեղյակ ենք պահել նրանց»:
ԻՌՆԱ-ի հաղորդման համաձայն, «Բադր» կազմակերպության գլխավոր քարտուղարն ու Իրաքի ժողովրդային հավաքազորի ուժերի՝ «Ալ-Հաշադ Ալ-Շաըբի»-ի ավագ հրամանատարներից Հադի Ալ-Ամերին երկուշաբթի գիշեր «Ալ-Մայադին» հեռուստակայանին տված հարցազրույցում հավելեց. «Մենք Իրաքի ազատագրման հարցում որևէ մեկի թույլտվությունը չենք խնդրելու և չենք ընդունելու որևէ մեկի հանձնարարությունը և ամերիկացիներին կամ որևէ այլ երկրի միջամտության իրավունք չենք տալու»:
«ԱՄՆ-ի գլխավորած միջազգային կոալիցիան մինչ օրս Մոսուլի ճակատամարտում որևէ գործնական քայլ չի իրականացրել ու միայն բավարարվել է սահմանափակ օժանդակությամբ»,-նշել է «Բադր» կազմակերպության գլխավոր քարտուղարը:
Ալ-Ամերին հավելեց. «Իրաքի մասնատման համար բոլոր նախագծերը թաղված են ու մենք որևէ մեկին չենք թույլատրի մասնատել մեր երկիրը»:
