Ազատագրվել է ռազմավարական նշանակություն ունեցող Իրաքի Ալ-Բաաջ քաղաքը
Իրաքի ժողովրդական հավաքազորային ուժերի փոխհրամանատարը տեղեկացրել է Մոսուլի արևմուտքում գտնվող Ալ-Բաաջ քաղաքի ամբողջական ազատագրման մասին:
«Ալ-Էրաղիա» հեռուստաընկերության հաղորդման համաձայն՝ Ալ-Հաշդ Ալ-Շաաբի ուժերի փոխհրամանատար Աբումեհդի Ալ-Մոհանդեսը նաև տեղեկացրել է Ալ-Բաաջ քաղաքի հյուսիսային և հարավային շրջաններում մի քանի գյուղերի ազատագրման մասին:
Ալ-Բաաջը Իրաքի կարևոր քաղաքներից է, որի ազատագրումը վաղուց էին ծրագրել Հաշդ Ալ-Շաաբի ուժերը: Ահաբեկիչներն այդ քաղաքի ճանապարհով էին երթևեկում Իրաքի և Սիրիայի միջև:
Մեկ այլ լուրի համաձայն՝ Իրաքի անվտանգության ուժերը Մոսուլում ԻԼԻՊ-ին պատկանող ստորգետնյա մեծ կալանավայր են հայտնաբերել:
«ԻՌՆԱ» լրատվական գործակալության հաղորդման համաձայն՝ այդ բանտում կալանավորված էին տասնյակ իրաքցիներ Ալ-Անբար նահանգի տարբեր քաղաքներից:
Իրաքի փախստականների նախարարությունը հայտարարել է, որ մինչ օրս Մոսուլի ավելի քան 140 հազար ընտանիքներ ԻԼԻՊ-ի ոճրագործությունների վախից լքել են Մոսուլը:
