Իրաքը և Սիրիան ԻՊ-ի դեմ գործողությունների համատեղ կենտրոն են ստեղծում

Իրաքը և Սիրիան երկու երկրի միջև սահմանային շրջաններում «Իսլամական պետություն» ահաբեկչական խմբավորման դեմ ռազմական պայքարի համատեղ կենտրոն են ստեղծում: ТАСС գործակալության փոխանցմամբ` այս մասին հայտնել է «Ալ-Արաբիա» հեռուստաալիքը` վկայակոչելով Իրաքի պաշտանության նախարարության հաղորդագրությունը:

Իրաքյան գերատեսչության տվյալներով` «սիրիական բանակի ռազմական պատվիրակությունը Բաղդադում բանակցություններ է վարել Իրաքի զինված ուժերի ներկայացուցիչների հետ»: Բանակցությունների թեման երկու երկրի միջև սահմանին անվտանգության ապահովման հարցն է եղել:

Նշվում է, որ որոշում է կայացվել «համատեղ գործողությունների կենտրոն ստեղծել` սահմանամերձ շրջաններում ահաբեկչական խմբավորումների վրա ճնշման ուժեղացման նպատակով»:

orer.am/