Քաբուլում Իրաքի դեսպանատան մերձակայքում մահապարտը պայթեցրել է ինքն իրեն

Աֆղանստանի մայրաքաղաքում Իրաքի դեսպանատն մերձակայքում մահապարտը պայթեցրել է ինքն իրեն։ Այս մասին հաղորդում է «ՌԻԱ Նովոստի»-ն՝ վկայակոչելով Khaama Press գործակալությունը։

Նշվում է նաեւ, որ դեպքի վայրում հրաձգության ձայներ են լսվել։ Տուժածների մասին տեղեկություն դեռ չկա։

1TV հեռուստաալիքի տվյալներով՝ պայթյունի թիրախում Իրաքի դեսպանատունն էր։

Քաբուլի ոստիկանության ներկայացուցիչ Բասիր Մուջահիդը հաստատել է, որ քաղաքում պայթյուն է տեղի ունեցել։

News.am