Ազատագրվել է Սիրիայի մայրաքաղաքի արևելյան թաղամասերից մեկը

Սիրիայի բանակը կատարելապես ազատագրել է ահաբեկիչների կողմից բռնազավթված Դամասկոսի արևելքում գտնվող Ջուբար թաղամասը:

«Ալ-Ալամ» հեռուստաընկերության հաղորդման համաձայն՝ կիրակի օրը տեղի ունեցած գործողության ժամանակ, Սիրիայի բանակը ոչնչացրել է ահաբեկիչներին պատկանող մի քանի ավտոմեքենա և ռազմական սարքավորումներ:

Վերջին շաբաթների ընթացքում, Սիրիայի բանակայիններին հաջողվել է անվտանգություն ու խաղաղություն հաստատել Ռաքքայի հարավային շրջանների գյուղերում ու ավաններում: 

Ի դեպ, Սիրիայի արևելյան շրջաններում բանակի հրամանատար Մոհամմեդ Խոզուրը հայտարարել է, որ բանակը ծրագրել է ազատագրել ԻԼԻՊ-ի ահաբեկիչների կողմից բռնազավթված Դեյր Էլ Զորի շրջանը: