Իրաքի ռազմական ուղղաթիռները Կիրքուկ են մտել
Քրդստանի պեշմերգաները հրաժարվել են նահանջել Իրաքի հյուսիսային Կիրքուկից , որից հետո իրաքյան ռազմական ուղղաթիռներն այդ քաղաք են մտել:
«Ալ-Աթջա» հեռուստատեսությունը հաղորդել է.«Պեշմերգա ուժերն ընդդիմացել են Կիրքուկի հարավում նավթադաշտերից նահանջելու համար Բաղդադի զգուշացմանը՝ մեծացնելով իրենց պաշտպանունակությունը»: Այդ մասին հաղորդել է «Ալ-Ալամ» հեռուստաընկերությունը:
Իրաքի պաշտոնական աղբյուրներ դեռևս ոչ մի հայտարարություն չեն արել բանակի ուղղաթիռների Կիրքուկ մտնելու կապակցությամբ:
Իրաքի բանակային ուժերն ուրբաթ օրը պեշմերգա ուժերի հսկողության տակ գտնվող Քրդստանի սահմաններից դուրս շրջաններում տեղակայվելու նպատակով Կիրքուկի հարավային շրջաններ են մտել:
Իրաքի անվտանգության աղբյուրների տվյալներով,այդ քայլը կատարվել է Քրդստանի հետ հակամարտելի տարածքում իշխանությունը հաստատելու համար Իրաքի կենտրոնական կառավարության ջանքերի շրջանակում:
