Բահրեյնի ակտիվիստները հակադարձել են այդ երկրի ԱԳ նախարարի խոսքերին
Բահրեյնի ԱԳ նախարարը ոճրագործ է անվանել «Ջո» կենտրոնական բանտում կալանավորված քաղբանտարկյալներին ՝ հերքելով այդ բանտի ահավոր վիճակի մասին իրավական կազմակերպությունների ներկայացրած զեկույցը:
Ինչպես թվիթերյան գրառումներում հաղորդել է «Ֆարս» գործակալությունը, Խալեդ Բին Ահմեդ Ալ-Խալիֆան հայտարարել է, որ «Ջո» բանտի բոլոր կալանավորները ոճրագործներ են:
Համատեղ հաղորդագրություն տարածելով, Բահրեյնի իրավական հինգ կազմակերպություններ , մարդու իրավունքների համաշխարհային միությունից պահանջել են զեկուցել Բահրեյնի բանտերում տիրող իրավիճակի մասին և բացահայտել բանտերում իրականացվող օրինախախտումները:
Բահրեյնի մարդու իրավունքների և ժողովրդավարության կենտրոնի վարիչ Յահյա Ալ-Հադիդը նշել է.«Բանտարկյալները հիմնականում ընդդիմադիրներ են և ԱԳ նախարարն իրավունք չունի ոտնահարել այդ կալանավորների իրավունքները»:
Բահրեյնի մարդու իրավունքների և ժողովրդավարության կենտրոնի տեղեկացմամբ, անցյալ յոթ տարվա ընթացքում այդ երկրում ձերբակալվել է 15 հազար հոգի:
