Իրաքի կառավարությունը փակելու է քրդական Rudaw հեռուստաընկերությունը
Իրաքի կառավարության մեդիա և կապերի հանձնաժողովը հայտարարել է, որ պետք է փակել Rudaw քրդական հեռուստաընկերությունը:
«Ալ-Ալամ» հեռուստաընկերության փոխանցմամբ՝ Իրաքի կառավարության մեդիա և կապերի հանձնաժողովը հայտարարել է, որ փակվելու է Rudaw քրդական հեռուստաընկերությունը, ինչպես նաև հեռուստատեսության աշխատակիցներից պահանջել է դադարեցնել իրենց աշխատանքը:
Ըստ այդ հրամանագրի՝ Rudaw քրդական հեռուստաընկերությունը փակվելու է և Իրաքում նրա ամբողջ գույքն առգրավվելու է:
Rudaw քրդական հեռուստաընկերությունը գործունեության արտոնագիր է ստացել Իրաքի մշակույթի նախարարությունից: Հոկտեմբերի 23-ին հեռուստաընկերությանն է փոխանցվել աշխատանքի դադարեցման մասին ծանուցագիրը:
Մեկ այլ լուրի համաձայն՝ քրդական «Փոփոխություն» շարժման խոսնակ՝ Շուրեշ Հաջին ասել է.«Իրաքի Քուրդիստանի տարածքի ղեկավարի պաշտոնից հրաժարվելու համար Մասուդ Բարեզանիին հարկադրելու համար, շարժումը քննարկում է համընդհանուր գործադուլ անցկացնելու հարցը»:
Բարհամ Սալեհի ղեկավարությամբ «Ժողովրդավարություն ու արդարություն» կոալիցիան 2017 թվականի հոկտեմբերի 19-ին տեղեկացրել է Քուրդիստանի տարածքում անցումային կառավարության ձևավորման նպատակով խորհրդակցությունների անցկացման մասին, ասելով .«Այդ կառավարության առաքելությունը լինելու է Բաղդադի հետ բանակցելու համար իրավիճակի մեղմումը»:
