Իրաքի զինվորականները Սիրիայի սահմանին ընդլայնել են վերահսկողությունը

Իրաքի զինվորականները աշխարհազորայինների աջակցությամբ ահաբեկիչների դեմ իրականացվող օպերացիայի շրջանակում Սիրիայի սահմանին ընդլայնել են վերահսկողությունը: Այս մասին հաղորդում է «Արմենպրես»-ը` հղում կատարելով «ՌԻԱ Նովոստի»-ին:

«Աշխարհազորայինները և Իրաքի բանակը կարողացան հասնել իրաքա-սիրիական սահման և հանդիպել այնտեղ զինվորականների հետ, որոնք տեղաշարժվում էին Ռավա և Էլ Քաիմ շրջաններից»,-հայտնում է աշխարհազորայինների լրատվական ծառայությունը:

Ռավան և Էլ Քաիմն ավելի վաղ ազատագրվել էին «Իսլամական պետություն» ահաբեկչական խմբավորման զինյալներից:

lratvakan.am