Իրաքում ԻՊ-ի զոհերի զանգվածային գերեզմանոց է հայտնաբերվել

Իրաքյան Սինջար քաղաքի մոտակայքում երկու զանգվածային գերեզմանոց է հայտնաբերվել, որոնցում 90 մարմին է գտնվել:

Այս մասին հայտնում է Корреспондент-ը՝ հղում անելով իրաքյան լրատվամիջոցներին:
Տղամարդկանց, կանանց և երեխաների մարմինները հայտնաբերվել են այն շրջանում, որը 2014 թվականին վերահսկողության տակ էին առել «Իսլամական պետություն» ահաբեկչական խմբավորման գրոհայինները: Տեղի բնակչության մի մասին իսլամիստ գրոհայինները տեղահանել և տեղափոխել էին սիրիական Ռաքքա:
Սինջարն ազատագրվել է 2015-ի վերջին: Քաղաքում և շրջակայքում նախկինում արդեն ավելի քան 30 զանգվածային գերեզմանոց էր հայտնաբերվել:

Tert.am