Իրաքի Քրդստանը փորձում է ընդլայնել իր հարաբերություններն Իրանի հետ
Իրանի հետ Իրաքի Քրդստանի հարաբերությունների պատասխանատուն տեղեկացրել է,որ Իրաքի Քրդստանի տեղական վարչության նախագահ Նեչիրվան Բարզանին շաբաթ օրը կայցելի Թեհրան: Այցը կատարվում է ԻԻՀ հետ հարաբերություններն ընդլայնմանն ուղղված Արբիլի ջանքերի շրջանակում:
Իրանի հետ Իրաքի Քրդստանի հարաբերությունների հարցով գլխավոր տնօրեն Աբդուլլահ Աքրեին ԻՌՆԱ-ին տված հրացազրույցում ասել է.«Թեհրան կատարելիք երկօրյա այցի ընթացքում Բարզանին հանդիպում կունենա ԻԻՀ նախագահ Հասան Ռոհանիի , Իսլամական խորհրդարանի նախագահ Ալի Լարիջանիի և այս երկրի որոշ բարձրաստիճան պատասխանատուների հետ»:
Աբդուլլահ Աքրեին հստակեցրել է.«Իրանցի պաշտոնյաների հետ Բարզանիի հանդիպումներում քննարկվելու են Իրանի արևմտյան սահմանների վերաբացման հարցը և քաղաքական, տնտեսական ու առևտրի ոլորտներում համագործակցության ընդլայնման ուղիները»:
Իրաքի Քրդստանի անջատման վերաբերյալ անցկացված հանրաքվեի պատճառով Արբիլի ու Բաղդադի միջև դիվանագիտական ու քաղաքական հարաբերությունների խզումից չորս ամիս անց, տեղի է ունեցել Բարզանիի առաջին այցը Բաղդադ:
