Սեյեդ Հասան Նասրոլլահ. Թշնամին սադրիչ քայլեր է ձեռնարկում դիմադրության առանցքի դեմ
Լիբանանի Հեզբոլլահի գլխավոր քարտուղարն անդրադառնալով տարածաշրջանում ԱՄՆ-ի ու նրա դաշնակիցների նախագծի պարտությանն, ասել է. «Այսօր պիտի քաղենք մեր ցանածի պտուղը և մեր գլխավոր նվաճումը դիմադրությանը ցուցաբերվող աջակցությունն է»:
«Թասնիմ» լրատվական գործակալության հաղորդման համաձայն, Լիբանանի Հեզբոլլահի գլխավոր քարտուղար Սեյեդ Հասան Նասրոլլահը շաբաթ օրը Լիբանանի արևելյան Բեաալբաք քաղաքում ունեցած ելույթում հայտարարել է. «Տարածաշրջանում ԱՄՆ-ի ու նրա դաշնակիցների նախագծերի ձախողումից և ԻԼԻՊ-ի կրած պարտությունից հետո, թշնամին սադրիչ նոր քայլեր է ձեռնարկում դիմադրության դեմ»:
Լիբանանի Հեզբոլլահի գլխավոր քարտուղարը Հեզբոլլահ շարժման դաշնակիցներին կոչ է արել արտաքին ու ներքին դավադիր քայլերի դիմաց աջակցություն ցուցաբերել դիմադրությանը:
Սեյեդ Հասան Նասրոլլահն իր ելույթի մի այլ բաժնում անդրադառնալով Լիբանանի առաջիկա ընտրություններին, ասել է. «Խորհրդարանում ու կառավարության կազմում Հեզբոլլահի ներկայացուցիչների ներկայության գլխավոր նպատակը դիմադրությանն աջակցություն ցուցաբերելն է և այդ նպատակն իրականացվելու է»:
«ԱՄՆ-ն ու Արաբիան ուշի ուշով հետևում են առաջիկա ընտրություններում Հեզբոլլահի հավաքած ձայներին և ընտրություններին տարբեր տեսակետների ներկայությունը ողջունելի է»,-հայտարարել է Սեյեդ Հասան Նասրոլլահը:
Լիբանանի խորհրդարանական ընտրությունները տեղի կունենան մայիսի 6-ին: