Սիոնիստական ռեժիմի ռազմական ինքնաթիռները ռմբակոծել են Գազան
Սիոնիստական ռեժիմի ռազմական ինքնաթիռներն ուրբաթ գիշեր հրթիռային հարձակման են ենթարկել Գազայի հատվածը:
Պաղեստինյան աղբյուրների հաղորդման համաձայն, Սիոնիստական ռեժիմի ռազմական ինքնաթիռները ռմբակոծել են Գազայի հյուսիսում՝ Բեյթ Լահիայում և հարավում՝ Խան Յունեսում տեղակայված պաղեստինյան դիմադրության խմբերի դիրքերը:
Իսկ Սիոնիստական ռեժիմի դրոնները ռմբակոծել են Գազայի հարավ-արևելյան Քարամ Աբու Սալեմի անցակետի մերձակայքում գտնվող հողագործական տարածքները:
Այս հարձակումների պատճառած զոհերի ու վնասների մասին մանրամասներ չեն հաղորդվել:
Սիոնիստական ռեժիմի զորայինները չորեքշաբթի գիշեր Գազայի հարավում գտնվող Ռաֆահի արևելյան տարածքում կրակելով մի խումբ պաղեստինցիների ուղղությամբ, վիրավորել են ութ հոգու:
Պաղեստինի առողջապահության նախարարությունն ուրբաթ գիշեր տեղեկացրել է Գազայի հատվածում «Վերադարձի իրավունք» մեծ երթի 31-րդ ուրբաթ օրվա ընթացքում 5 պաղեստինցիների նահատակության և 140 հոգու վիրավորվելու մասին:
«Ալ-Ալամ»-ի հաղորդման համաձայն, վիրավորների մեջ կան մեծ թվով կանայք ու երեխաներ :
«Վերադարձի իրավունք» խաղաղ երթը սկսվեց Գազայում, անցած մարտի 30-ին՝ Հողի օրվա հետ միաժամանակ և դեռ շարունակվում է:
Անցած մարտից ի վեր այս երթի ընթացքում իսրայելցի զորայինները սպանել են ավելի քան 200 և վիրավորել են շուրջ 22 հազար պաղեստինցիների:
