Հակաեվրոպական մեծ հանրահավաք Իտալիայում
Հազարավոր իտալացիներ հանրահավաք անցկացնելով մայրաքաղաք Հռոմի ամենամեծ կենտրոնական հրապարակում, պաշտպանել են այդ երկրի կառավարության հակաեվրոպական և հակամիգրացիոն քաղաքականությունները:
Համաձայն Իրանի ռադիո-հեռուստատեսության լրատվական գործակալության հաղորդման, շաբաթ օրը կազմակերպված հանրահավաքի ընթացքում, կոալիցիոն կառավարության անդամ Իտալիայի փոխվարչապետ և ՆԳ նախարար Մաթեո Սալվինին, հանդես գալով որպես «Միասնություն» ծայրահեղ աջակողմյան կուսակցության առաջնորդ, կրկին ընդգծեց իր հակամիգրացիոն ու հակաեվրոպական քաղաքականությունները:
Հանրահավաքը, որ կայացավ «Իտալիա, կրկին վերև բարձրացրու գլուխդ» նշանաբանով Սալվանիի և նրա գլխավորած «Միասնություն» կուսակցության ուժի ցուցադրումն էր՝ նպատակ ունենալով ընդգծել Իտալիայում ու դրա սահմաններից դուրս խնդրահարույց դարձած՛ կոալցիայի մաս կազմող այս կուսակցության քաղաքականությունները:
Փորձագետների համոզմամբ, ԵՄ-ի ապագա ճակատագիրը որոշելու հարցում որոշիչ դերակատարություն ունեցող Եվրոխորհրդարանի ընտրությունների մոտենալով, նաև նկատի առնելով Իտալիայի կառավարության դիմագրաված մարտահրավերները, Սալվինին նպատակ ունի մասնավորապես Բրյուսելին ցույց տալ իր քաղաքական կշիռը:
