Ռուսաստանը դեմ է Կոսովոյի բանակի ստեղծմանը
ՌԴ ԱԳ նախարարությունը Կոսովոյի բանակի ստեղծումը ՄԱԿ-ի Անվտանգության խորհրդի բանաձևի խախտում է որակել :
ՌԴ ԱԳ նախարարությունը հրապարակել է հաղորդագրություն, որում հայտարարել է, որ պաշտպանական ուժերը լիարժեք բանակի վերափոխելու Կոսովոյի խորհրդարանի որոշումը, ՄԱԿ-ի Անվտանգության խորհրդի թիվ 1244 բանաձևի կոպիտ խախտում է նշանակում:
«Կոսովոյի խորհրդարանի այդ քայլն ուղղված է Բալկաններում իրավիճակի լուրջ սրմանը, որը հղի է տարածաշրջանում զինված հակամարտությունների կրկնությամբ». ասված է ՌԴ ԱԳ նախարարության հաղորդագրութայն մեջ:
Կոսովոյի խորհրդարանի նախագահ Կարդի Վեսելին ուրբաթ օրը հայտարարել է, որ խորհրդարանի բոլոր 105 պատգամավորները հաստատել են երկրում լիարժեք բանակի ստեղծումը:
Կոսովոյի անվտանգությունը 1999 թվականից Կոսովոյի պատերազմի հետ միաժամանակ ապահովվում էր ՆԱՏՕ-ի ուժերի կողմից, իսկ 2008 թվականին Կոսովոն միակողմանի անկախություն հայտարարեց և բաժանվեց Սերբիայից:
Սերբիան ՄԱԿ-ի ԱԽ-ի թիվ 1244 բանաձևի համաձայն, Կոսովոն համարում է իր տարածքի մի մասը, և պաշտոնապես չի ճանաչում Կոսովոյի միակողմանի հայտարարած անկախությունը:
