Իտալիայից դեսպանի հետ կանչումը հստակ ուղերձ է փոխանցում Հռոմին. Ֆրանսիա
Ֆրանսիայի կառավարության խոսնակն ասել է, որ թեև Իտալիայից այդ երկրի դեսպանի հետ կանչվելը ժամանակավոր բնույթ է կրում, սակայն ներքին հարցերին չմիջամտելու կապակցությամբ հստակ ուղերձ է հղում պատմական այս դաշնակցին:
Համաձայն «Եվրոնյուզ»-ի հաղորդման, Ֆրանսիայի կառավարության խոսնակ Բենժամին Գրիյուն, ուրբաթ օրը հայտարարել է. «Հռոմից դեսպանի հետ կանչվելը տեղի է ունեցել ի պատասխան վերջին ամիսներին Իտալիայի փոխվարչապետ և ՆԳ նախարար Մաթեո Սալվինիի կատարած անհիմն արտաահայտությունների»:
«Իտալիայի մյուս փոխվարչապետ Լուիջի Դի Մայոյի «Դեղին բաճկոնավորներ» շարժման ակտիվիստների հետ հանդիպումը նույնպես համարվում է դիվանագիտական ամենապարզ նորմերի ոտնահարում, քանի որ դա տեղի է ունեցել առանց նախապես հայտարարության և Փարիզի արվարձանում»,-հավելել է Գրիյուն:
Ֆրանսիայի կառավարությունը հակադարձելով «դեղին բաճկոնավորներ»-ի բողոքի շարժման հանդեպ իտալացի պաշտոնատարների հայտնած աջակցությանը, հինգշաբթի օրը ԵՄ-ի պատմության մեջ նախադեպը չունեցող քայլով, իր դեսպանին հետ կանչեց Հռոմից:
Ֆրանսիայի ԱԳ նախարարության հաղորդագրության մեջ ասված է, որ այդ քայլի պատճառը Ֆրանսիայի ներքին հարցերին Իտալիայի միջամտություններ են:
Իտալիայում աջակողմյան կոալիցիայի իշխանության գալուց հետո, վերջին ամիսներին Հռոմի ու Փարիզի միջև հարաբերությունները լարված են մնում:
