Թուրքիայի բանակը կրկին ռմբակոծել է Իրաքի հյուսիսը

Թուրքիայի բանակը կրկին ռմբակոծել է Իրաքի հյուսիսում ՔԲԿ-ի դիրքերը:

Թուրքիայի զինված ուժերի գլխավոր շտաբը հայտարարել է, որ այդ երկրի բանակի ռազմաօդային ուժերը Իրաքի հյուսիսում գտնվող Զափի և Խաքորքի շրջաններում ռմբակոծել են ՔԲԿ-ի դիրքերը և այդ խմբավորման զինտեխնիկան:

Հաղորդման համաձայն, այդ գործողության ընթացքում նաև ոչնչացվել են ՔԲԿ-ի մի քանի թագստոցներ և զինապահեստներ:

Արդեն երկու տարի է Թուրքիան լայնածավալ գործողություններ է իրականացնում իր երկրի արևելյան ու հարավ-արևելյան լեռնային շրջաններում և Իրաքի հյուսիսում:

Իրաքի կառավարությունը բազմիցս դատապարտել է իր երկրի հյուսիսում Թուրքիայի հարձակումները և դա միջազգային կանոնների խախտում է բնութագրել: