Պենտագոնը 1.5 միլիարդ դոլար է տրամադրել Մեքսիկայի հետ սահմանային պատի կառուցմանը
ԱՄՆ Պաշտպանության նախարարության՝ Պենտագոնի ղեկավար Պատրիկ Շենահանն ուրբաթ օրը հայտարարել է, որ նախարարությունը 1.5 միլիարդ դոլար է հատկացրել Մեքսիկայի սահմանին 128 կմ երկարությամբ պատի կառուցմանը:
Շենահանը հավելել է, որ ԱՄՆ բանակը Մեքսիկայի հետ սահմանին տեղակայել է չորս հազար զինվորականների:
Մարտ ամսին նույնպես ԱՄՆ ռազմական բյուջեից մեկ միլիարդ դոլար հատկացվել էր Մեքսիկայի հետ սահմանային պատի կառուցման համար:
Այս մեծածախս պատի կառուցումը, Թրամփի նախընտրական խոստումներից էր:
Թրամփի և Կոնգրեսի միջև պատի կառուցման համար բյուջեի տրամադրման շուրջ անհամաձայնությունը պատճառ դարձավ, որ ԱՄՆ կառավարության որոշ բաժինների աշխատանքը, 2018թ դեկտեմբերի 22-ից մինչև 2019թ հունվարի 25-ը, դադարեցվի:
Արդյունքում, Թրամփը երկրում ազգային արտակարգ իրավիճակ հայտարարեց և Պենտագոնին պարտադրեց ռազմական բյուջեից ֆինանսավորել այս պատի կառուցումը:
Մեծ թվով ամերիկացիներ դեմ են Մեքսիկայի հետ սահմանային պատի կառուցմանը:
