Ռուսաստանի էներգետիկայի նախարար. Իրանի նավթային շրջափակումը խախտել է նավթի շուկայի կայունությունըն
Ռուսաստանի էներգետիկայի նախարարն ընդգծել է, որ ԱՄՆ-ի կողմից Իրանի դեմ պատժամիջոցների ազդեցությունը դեռևս նավթի շուկայում պարզ չէ , եւ շուկայի իրավիճակն անորոշ է:
Ռուսաստանի էներգետիկայի նախարար Ալեքսանդր Նովակն առանց մեկնաբանելու Իրանի նավթային պատժամիջոցների հետևանքով նավթի շուկայում առաջացած փոփոխությունները, հայտարարել է, որ ՕՊԵԿ պլուսի (ՕՊԵԿ-ի անդամ և ոչ անդամ նավթային արտադրողներ) անդամ երկրները դեռեւս չգիտեն, թե Իրանի դեմ պատժամիջոցներն ինչ ազդեցություն կարող են ունենալ համաշխարհային շուկայի վրա:
Ալեքսանդր Նովակը հավելել է, որ ամեն օր նոր սակագներ են որոշվում, և ընդլայնվում են առեւտրային պատերազմի չափերը, և այս գործոնները ազդում են նավթի սպառման համաշխարհային կանխատեսումների վրա:
Ռուսաստանի էներգետիկայի նախարարը հայտարարել է, որ ՕՊԵԿ պլուսի արտադրության մակարդակի վերաբերյալ վերջնական որոշումը կկայացվի հունիսի 25-26-ին՝ ՕՊԵԿ-ի նիստում:
2019 թ.-ի մայիսի 2-ին ԱՄՆ կառավարությունը չեղյալ է հայտարարել Իրանի նավթի գնորդների նկատմամբ պատժամիջոցներից ազատումը, որն արժանացել է մի քանի երկրների հակազդեցությանը:
