«Դեղին բաճկոնավորների» ցույցերը բացասաբար են ազդել Փարիզի Շանզ Էլիզեյի զբոսաշրջության վրա
Փարիզի Շանզ Էլիզե փողոցը զրկվել է զբոսաշրջիկների այցելություններից՝ կառավարության կողմից «դեղին բաճկոնավորների» բողոքի ցույցերի համար սահմանված սահմանափակումների պատճառով:
Ֆրանսիական BFM TV հեռուստտաընկերության հաղորդման համաձայն, Շանզ Էլիզեն, որը հայտնի է որպես աշխարհի ամենագեղեցիկ փողոցներից մեկը և նրա հարակից փողոցները, «դեղին բաճկոնավորների» բողոքի ցույցերի սկզբից դատարկ են: Փողոցում հասարակական տրանսպորտի աշխատանքը դադրեցվել է, իսկ առևտրային կենտրոններն ամիսներ շարունակ անգործ են:
Այս հաղորդման համաձայն, Շանզ Էլիզե այցելող զբոսաշրջիկների թիվը նվազել է, քանի որ նրանք վախենում են ցուցարարների և ոստիկանների միջև առաջացող բախումներից:
«Դեղին բաճկոնավորների» բողոքի ցույցերը մեկնարկել են 2018թ նոյեմբերից՝ նախագահ Էմանուել Մակրոնի տնտեսական քաղաքականության դեմ:
2019թ ապրիլին, Մակրոնը հայտարարեց, որ հարկերը կրճատվում են, սակայն բողոքարարները շարունակում են ցույցերը, պահանջելով նրա հրաժարականը:
